PR/Tugas Bahasa Bali | Terjemahan Aksara Bali "Diah Pranawati" | Basa Bali Keren
Semoga bermanfaat! Terima kasih.Diah Pranawati
Anake luh matuuh telung dasa nem ento, nu jegeg cara nguni, cara dugase ia matuuh salikur tiban. Anake luh ento madan Diah Pranawati.
Dugase luh diah bajang, rikala iya sing majalan ngigel arja, liu pesan truna-trunine nganggur ka umahne lakar ngetogang kapitresnan.
ada aukud, taruna ane prasida ngetisin kenehnyane kewala tonden taen luh diah ningehang pangraosne ngetogang tresnannyane. Lantas rikenjekan ngedas lemahang rikala ia mara teka uli ngigel. Kaatehang baan I Gede Ambara, sang kalih negak di batan punyan tapak belane ane tumbuh di arep sanggah luh diahe. Ri kala Luh Diah ngaat pesan ngantosang ketelan raos I Gedene, dadi cara anak bingung, cara anak mablanja, laut inget pipise makutang. Pamuput, pesu masih raosne.
Luh Diah, beli kaicen galah tugas belajar mitelebin ajah agama ka india, beli lakar ngalain luh, sawetara duang tiban. Melahang ngaba raga apang kapungkur wekas dadi luh luih, luh mauttama. sasubanneI Gede ngraos keto, lantas eneng. Makelo sang kalih eneng. Nrugtug ulu hatin Luh Diahe ngantosang lanturan raos I Gedene lakar ngetogang pitresna. Sawireh makelo I Gede nengil, Luh Diah lantas nyawis mancingin pamesun raos I Gedene. “Beli Gede, yen beli ngalain tiang, nyen lantas ngatehang tiang majalan ngigel?".......